तराईमा अबको केही दिन अत्यधिक गर्मीको सम्भावना

काठमाण्डौ – तराई क्षेत्रमा अबको केही दिन अत्यधिक गर्मीको सम्भावना रहेको छ । सुदूरपश्चिम र लुम्बिनी प्रदेशको तराई क्षेत्रका केही ठाउँमा अधिकतम तापक्रम ४० डिग्री सेल्सियस वा त्योभन्दा धेरै मापन भएको छ । केही दिनदेखि अधिकतम र न्यूनतम तापक्रम बढ्दै गएको छ ।

मौसम पूर्वानुमान महाशाखाले आज विशेष बुलेटिन निकालेर तराई क्षेत्रमा अबको तीन दिन तातो हावा तथा लहर अर्थात् 'लू' चल्न सक्ने भएकाले सम्भावित असरबाट जोगिन आवश्यक सर्तकता अपनाउन अनुरोध गरेको छ ।