म राष्ट्रपति रहेसम्म ताइवान सुरक्षित छ, सीले आक्रमण नगर्ने वचन दिएका छन् : ट्रम्प

अमेरिकी राष्ट्रपति डोनाल्ड ट्रम्पले चिनियाँ राष्ट्रपति सी जिनपिङले आफू राष्ट्रपति रहँदासम्म ताइवानमाथि आक्रमण नगर्ने बताएको दावी गरेका छन्।

अलास्कामा रुसी राष्ट्रपति भ्लादिमिर पुटिनसँग भेट्नुअघि फक्स न्यूजसँगको अन्तर्वार्तामा ट्रम्पले सीलाई उदृधत गर्दै भने, ‘जबसम्म तपाईं राष्ट्रपति हुनुहुन्छ, म ताइवानमा आक्रमण गर्ने छैन।’