अमेरिकामा अवैध गतिविधि र सहुलियत दुरुपयोगले भिसा रद्द हुने सक्ने

काठमाडौँ । संयुक्त राज्य अमेरिकास्थित नेपाली दूतावासले अमेरिकामा रहेका सम्पूर्ण नेपाली नागरिकलाई लक्षित गरी गम्भीर सूचना जारी गरेको छ । अध्ययन, भ्रमण, रोजगारी, व्यवसाय, परिवार वा आफन्त भेटघाटको सिलसिलामा अमेरिका पुगेका विदेशी नागरिकले त्यहाँ रहँदा गलत विवरण पेश गरी वा अवैध रूपमा अमेरिकी सरकारले आफ्ना नागरिकका लागि उपलब्ध गराउने स्वास्थ्य, आवास, परिवार सहायता, शैक्षिक सहायता जस्ता सहुलियत सुविधा उपयोग गरेमा सम्बन्धित व्यक्तिको भिसा वा ग्रिनकार्ड रद्द हुनसक्ने दूतावासले जनाएको छ ।

दूतावासका अनुसार सन् २०२४ मा अमेरिका पुगेका नेपालीहरू सहुलियतपूर्ण सरकारी सेवा लिने विदेशी नागरिकहरूको सूचीमा उच्च स्थानमा परेपछि अमेरिकाले नेपाली नागरिकका लागि आप्रवासी भिसा हाललाई बन्द गरेको सम्बन्धमा सार्वजनिक सूचना जारी गरेको हो ।