शनिबार नेपालमै पहिलो पटक रकेट प्रक्षेपण परीक्षण हुँदै

काठमाडौं । नेपालमै पहिलो पटक रकेट परीक्षण हुने भएको छ । नेपाली सेनासँगको सहकार्यमा नियर स्पेसले सिन्धुलीको भिमानमा शनिबार रकेट प्रक्षेपणको पहिलो परीक्षण गर्ने भएको हो ।

बिहीबार राजधानीमा आयोजित पत्रकार सम्मेलनमार्फत गरुड र आरम्भ वान गरी एक साथ दुई वटा रकेटको परीक्षण हुने बताइएको छ । हालसम्म नेपालमा आधिकारिक रुपमा रकेटको प्रक्षपण परीक्षण हुन सकेकको छैन । फ्युल टेस्टको काम भने यसअघि भइसकेको छ ।