विश्वव्यापी सञ्जाल विस्तारमा योगदान दिने सैनिक विद्यालयका आजीवन सदस्य सम्मानित

काठमाडौं । सैनिक विद्यालय पूर्वविद्यार्थी संघ नेपालले संस्थाको अन्तर्राष्ट्रिय सञ्जाल विस्तार तथा प्रवर्द्धनमा उल्लेखनीय योगदान पुर्‍याएका आजीवन सदस्यहरूलाई सम्मान गरेको छ।

संघको माघ १३ गते बसेको कार्यसमितिको बैठकले विदेशमा रहेका सैनिक विद्यालयका पूर्वविद्यार्थीहरूलाई एकीकृत गर्ने अभियानमा महत्वपूर्ण भूमिका खेलेका विवेक पौडेल र बाबा राजेश्वरी थापालाई सम्मानपत्र प्रदान गर्ने निर्णय गरेको थियो।