चितवन राइनोजले सुरु गर्‍यो 'गैंडा कप २०२६'

नेपाली क्रिकेटको आधारभूत (ग्रासरुट) तहलाई बलियो बनाउँदै नयाँ प्रतिभा उजागर गर्ने उद्देश्यले नेपाल प्रिमियर लिग (एनपीएल) टोली चितवन राइनोजले ‘गैंडा कप २०२६’ को घोषणा गरेको छ। केवल व्यावसायिक प्रतिस्पर्धामा मात्र सीमित नरहेर तल्लो तहका खेलाडीको भविष्य कोर्न र उनीहरूलाई एक्सपोजर दिलाउन एनपीएल फ्रेन्चाइज आफैं एकेडेमीस्तरको प्रतियोगिता सञ्चालनमा उत्रिएको हो।

हेटौंडास्थित गौरीटार क्रिकेट मैदानमा सेप्टेम्बर ३० देखि अक्टोबर ३ सम्म सञ्चालन हुने ६ दिने यस प्रतियोगितामा बागमती प्रदेशका प्रमुख १२ क्रिकेट एकेडेमीहरूले प्रतिस्पर्धा गर्नेछन्। ग्रेट हिमालय क्रिकेट एकेडेमी (जीएचसीए), क्रिकेट एक्सिलेन्स सेन्टरका तीन वटा शाखा (भक्तपुर, बालुवाटार र बुढानीलकण्ठ), इस्टर्न, हेटौंडा स्पोट्र्स, मास्टर क्लास, एन्जल्स स्पोट्र्स, काठमाडौं, भक्तपुर, भरतपुर क्रिकेट एकेडेमी र चितवन ट्रेनिङ सेन्टर यस ऐतिहासिक प्रतियोगितामा भिड्नेछन्।