दुई समूहबीचको विवाद उग्र बनेपछि सेना परिचालन

हिजो राति सुनसरीमा सामान्य विवादबाट सुरु भएको घटनाले भयावह रूप लिँदा एक जनाको गोली लागेर मृत्यु भएको छ भने कैयौँ व्यक्ति घाइते भएका छन्। एउटा सामान्य विवाद कसरी यति हिंसात्मक अवस्थामा पुग्यो भन्ने विषयको निष्पक्ष छानबिन हुन आवश्यक छ। कुनै पनि परिस्थितिमा गोली प्रहार गरी नागरिकको ज्यान जानु अत्यन्त दुःखद र दुर्भाग्यपूर्ण घटना हो।

यस्तो विषम परिस्थितिको समाधान हत्या, हिंसा वा बल प्रयोगबाट होइन, शान्ति, संयम, संवाद र विवेकबाट खोजिनुपर्छ। प्रत्येक घटनामा सुरक्षा निकायबाट अत्यधिक बल प्रयोग हुने प्रवृत्तिप्रति गम्भीर समीक्षा आवश्यक छ। शान्तिपूर्ण वार्ता र संवादका माध्यम सधैँ खुला राखिनुपर्छ।