आफू छिर्के हानेर सर्वोच्च पुगेका न्यायाधीशहरुको लाजमर्दो कोकोहोलो

बालेन सरकारले शासकीय सुधार र शुद्धीकरणको अभियान चलाएपछि अहिले सबैभन्दा बढी छटपटी न्यायालयमा देखिएको छ । विभिन्न राजनीतिक दल र शक्तिकेन्द्रको फेरो समाएर न्यायालयमा पुगेकाहरु आफ्नो सिन्डिकेट भत्किने भयले हालको सरकार, संसद र राष्ट्रिय स्वतन्त्र पार्टीलाई लोकतन्त्रविरोधी चित्रित गरी अन्तर्राष्ट्रिय क्षेत्रमा बदनाम बनाउन लागेको पाइएको छ । यसका निम्ति केही न्यायाधीशहरु विदेशीका दैलामा समेत पुगेको खुलेको छ ।

एम्नेस्टी इन्टरनेसनल, ह्युमन राइट्स वाच र इन्टरनेसनल कमिसन अफ जुरिस्ट्स (आईसीजे) ले शुक्रबार जारी गरेको संयुक्त प्रेस विज्ञप्ति यसैको प्रमाण हो । उक्त विज्ञप्तिमा केही न्यायाधीशलाई राजीनामा दिन दबाब आएको उल्लेख गरिएको छ ।