छ महिनाको तलबसहित प्रसूति बिदा कार्यान्वयन गर्न आह्वान

काठमाडौं ।

नेपालमा छ महिनाभन्दा कम उमेरका १० मध्ये करिब सात शिशुले मात्र पूर्ण स्तनपान पाउने गरेको तथ्य सार्वजनिक भएको छ । नवजात शिशुलाई जन्मिएको एक घण्टाभित्र स्तनपान गराउने अभ्यास पनि अपेक्षाअनुसार हुन नसकेको भन्दै छ महिनाको तलबसहितको प्रसूति बिदा शीघ्र कार्यान्वयन गर्न, स्तनपानमैत्री कार्यस्थल बनाउन तथा आमाको दूध प्रतिस्थापन गर्ने वस्तुको अनुचित बजारीकरण नियन्त्रण गर्न आह्वान गरिएको छ ।