पछिल्ला तीन घण्टामा कञ्चनपुरको हनुमाननगरमा सबैभन्दा बढी वर्षा, अन्य प्रदेशमा पनि पानी पर्ने सम्भावना

काठमाडौँ। पछिल्ला तीन घण्टामा देशभरमा सबैभन्दा धेरै पानी कञ्चनपुरको हनुमाननगरमा परेको जल तथा मौसम विज्ञान विभागले जनाएको छ। हनुमाननगरमा ४८.८ मिलिमिटर वर्षा मापन गरिएको हो।

हाल कर्णाली र सुदूरपश्चिम प्रदेशका विभिन्न स्थानहरूमा, कोशी, मधेस, बागमती र लुम्बिनी प्रदेशका केही स्थानमा तथा गण्डकी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षा भइरहेको विभागले जनाएको छ।