कुलोको पहिरोले कच्ची धन्सार भत्कियो, चार जना घाइते

लमजुङको मध्यनेपाल नगरपालिका-७ भाटबेशीमा कुलोको पहिरोले कच्ची धन्सार भत्कँदा चार जना घाइते भएका छन्।

लमजुङ प्रहरीका अनुसार गएको साउन १२ गते राति चितिखोलाबाट भाटबेशीतर्फ ल्याएको कुलो भत्किएर पहिरो जाँदा स्थानीय विष्णु दत्त सुवेदीको दुई तले ढुङ्गा माटोले बनेको कच्ची धन्सार पूर्ण रूपमा क्षति भएको छ। उक्त धन्सार भित्र मानिसहरू सुतिरहेको अवस्थामा पहिरोले पुरेको थियो।