स्याङ्जामा प्रत्यक्ष महिला उम्मेदवार शुन्य, मतदाता बढी

स्याङ्जा । आगामी फागुन २१ मा प्रतिनिधि सभाको निर्वाचनका लागि स्याङ्जामा उम्मेदवारहरुले घरदैलो कार्यक्रम तिब्र पारेका छन् । उम्मेदवारको अन्तिम नामावली र स्वतन्त्र उम्मेदवारलाई चुनाव चिन्ह्र प्रदान गरेपछि मत माग्न घरदैलो कार्यक्रमलाई तिब्र पारेका हुन् । मुलुकका ठुलादल देखी साना दलहरु सहित स्वतन्त्र रुपमा मनोनयन दर्ताले चुनावी रौनकता बढ्ने देखिन्छ ।

तर, स्याङ्जामा उम्मेदवारी दर्ता भएसँगै एउटा गम्भीर बहस सुरु भएको छ । स्याङ्जाको दुवै क्षेत्रमा स्वतन्त्र सहित २८ जनाले उम्मेदवारी दर्ता गराएका थिए । अन्तिम नामावाली प्रकाशन गर्दा ४ स्वतन्त्र सहित ११ राजनीतिकदलका २४ जना उम्मेदवार चुनावी मैदानमा छन् । तर प्रत्यक्ष तर्फको उम्मेदवारीमा महिला संख्या भने शुन्य देखिन्छ ।