‘राष्ट्रको लागि खेल्दा दसैँ भुलिने रैछ’

नेपाली फुटबल पछ्याउनेहरूका लागि रोहित चन्द चिर परिचित नाम हो । सुदूर कर्णालीबाट आफ्नो फुटबल यात्रा सुरु गरेका उनी अहिले नेपाल तथा अन्तर्राष्ट्रिय स्तरमा उत्कृष्ट प्रदर्शन गर्ने खेलाडीको रूपमा चिनिन्छन् ।

सन् २००९ मा नेपाली राष्ट्रिय फुटबल टोलीबाट डेब्यू गरेका रोहितले देशका लागि ७३ खेल खेलेका छन् । सन् २००५ मा एन्फा एकेडेमीमा आएका उनले अहिलेसम्म राष्ट्रिय टोली र उमेर समूहमा उत्कृष्ट प्रदर्शन गर्दै आएका छन् ।