'गौँथली'को आक्रामक व्यापारसँगै चम्किए अरुण

काठमाडौँ । फिल्म ‘महापुरुष’बाट उदाएका नायक हुन् अरुण क्षेत्री । लुक्स र अभिनयका कारण पहिलो फिल्मबाटै चर्चामा आएका उनलाई धेरैले उनी सम्भावना बोकेको नायकको रूपमा हेरेका थिए । अहिले उनी सोलो नायकको रूपमा रहेको फिल्म ‘गौँथली’ले बक्स अफिसमा धमाका मच्चाइरहेको छ । फिल्मको व्यवसायपछि उनको चर्चा चुलिएकाे छ ।

फिल्मले १० दिनमा करिब साढे ७ करोडको ग्रसन कलेक्शन गरिसकेको छ । फिल्म केही दिनमै १० करोड क्लबमा प्रवेश गर्ने अनुमान गर्न सकिन्छ । फिल्ममा अरुणले ‘ठुले’ पात्रको भूमिका निर्वाह गरेका छन् । फिल्ममा अटिजम भएको एक पुरुषको भूमिकामा अरुण शक्तिशाली देखिएका छन् । फिल्मको व्यापारमा अरुणको शक्तिशाली भूमिकाले निकै ठुलो काम गरेको छ ।