सामान्य प्रशासनमा असामान्य खेल

काठमाडौँ । ‘नमस्कार हजुर, मलाई न्याय दिनुपर्‍यो । प्रधानमन्त्री कार्यालयमा सात महिनादेखि जिम्मेवारविहीन बनाएर राखियो । बरु मलाई सामान्यमै ल्याइदिए हुन्छ,’ सिंहदरबारस्थित प्रधानमन्त्री कार्यालयका उपसचिव राजेश गिरी आइतबार अपराह्न संघीय मामिला तथा सामान्य प्रशासन मन्त्रालयको कर्मचारी प्रशासन महाशाखाका प्रमुख हेमराज तामाङको कार्यकक्षमा ‘कि सरुवा कि जिम्मेवारी’ दिनु भन्दै प्रवेश गरे ।

तामाङले गिरीलाई तत्कालै प्रतिक्रिया दिँदै भने, ‘मुख्यसचिवज्यूलाई भन्नुभएन ? त्यही कार्यालयमा बस्नुहुन्छ ।’