पिच सडकमा किन चाहियो झोलुंगे पुल ?

यो खबर गोरखा नगरपालिका–४ धनुबाँसेको हो। गोरखा बजारबाट चार किलोमिटर कालोपत्र सडक यात्रा गरेपछि धनुबाँसे आउँछ। कालोपत्र सडककै आडमा झोलुंगे पुल औचित्यहीन भएको स्थानीयवासी जितबहादुर थापा बताउँछन्।

गोरखा : सडक पुगेकै छ। खोला तर्नु छैन। आवतजावत गर्न गाह्रोसाह्रो छैन। तर, त्यहीँ ठाउँमै एउटा झोलुंगे पुल बनाइएको छ। कसले कति लागतमा बनायो भन्नेबारे जनप्रतिनिधि नै ‘बेखबर’ छन्। जहाँ पुलभन्दा करिब २ सय मिटर माथि दुई लेनको कालोपत्र सडक छ। त्यहाँबाट पुल हुँदै हिलेखर्कसम्म कच्ची सडक बनेको छ।