स्वास्थ्य बीमा : उपचार खर्चको १० प्रतिशत सेवाग्राहीले तिनुपर्ने !

काठमाडौँ । सरकारले स्वास्थ्य बीमामार्फत औषधि उपचार गराउँदा १० प्रतिशत सेवाग्राहीले भुक्तानी गर्नुपर्ने व्यवस्थाको तयारी गरेको छ । प्रतिपरिवार एक वर्षको ३ हजार ५ सय रुपैयाँ बीमाको प्रिमियमर रकम तिरिसकेपछि वर्ष दिनमा एक लाख रुपैयाँको औषधि उपचार लिनैपर्ने सोचको विकास भएकाले कम्पनी घाटामा गएको भन्दै १० प्रतिशत रकम सेवाग्राहीले तिर्नुपर्ने व्यवस्थाको तयारी गरेको स्वास्थ्य तथा जनसंख्या मन्त्रालयका प्रवक्ता डा. प्रकाश बुढाथोकीले बताए ।

पछिल्लो समय बीमाको दुरुपयोग भएको पाइएको उनले उल्लेख गरे । उनले भने, ‘स्वास्थ्य बिमा गराउने सबैले १ लाखकै उपचार लिएपछि बीमा कम्पनी घाटामा जाने भो नि, त्यो हटाउनलाई १० प्रतिशत को–पेमेन्टको सिस्टम ल्याउँदै छौँ ।’