बैंकिङ कारोबारमा सर्वोच्चको नजिर : प्रक्रियागत त्रुटिले दायित्व समाप्त हुँदैन

काठमाडौं- बैंक तथा वित्तीय संस्थाले कर्जा सुरक्षाका लागि राखेको धितो रोक्का प्रक्रियामा प्राविधिक वा प्रक्रियागत त्रुटि देखिएको आधारमा मात्र कर्जा दायित्वबाट उम्कन नमिल्ने व्याख्या सर्वोच्च अदालतले गरेको छ।

ललितपुर फाइनान्स लिमिटेड र जयराम सुवेदीबीचको ‘दूषित रोक्का बदर’ सम्बन्धी मुद्दामा फैसला गर्दै सर्वोच्च अदालतले वित्तीय संस्थामा उपस्थित भई मञ्जुरीनामा तथा धितो जमानीका कागजातमा सहीछाप गरिसकेपछि मालपोत कार्यालयमा दृष्टिबन्धक पारित नभएको आधारमा दायित्वबाट मुक्त हुन नसकिने नजिर स्थापित गरेको हो।