ग्रिससँग जर्मनी स्तब्ध, समूह ‘बी’ को तेस्रो स्थानमा झर्‍यो

काठमाडौँ । युइएफए नेसन्स लिग अन्तर्गत समूह ‘बी’ को खेलमा ग्रिसले बलियो प्रतिस्पर्धी जर्मनीमाथि १–० गोलको अप्रत्याशित जित हात पारेको छ । यस हारसँगै जर्मनी समूहको तेस्रो स्थानमा झरेको छ भने ग्रिस शीर्ष स्थानमा कायमै छ ।

समूह चरणको दोस्रो खेलमा पहिलो हाफ दुवै टोलीबाट गोलरहित बराबरीमा सकिएको थियो। तर, दोस्रो हाफमा ग्रिसले निर्णायक अग्रता लिन सफल भयो । खेलको ७४औँ मिनेटमा दिमित्रियोस कोउरबेलिसले गोल गर्दै ग्रिसलाई १–० को अग्रता दिलाए ।