मुग्लिन सडकमा राति यातायात सञ्चालनमा रोक

छयालिस घण्टा अवरुद्ध सडक आज साँझ सञ्चालनमा आए पनि जोखिम कम गर्न मुग्लिन नारायणगढ सडक राति बन्द गरिएको छ ।

सडक खण्डको तुइन खोलामा पहिरो आएर शुक्रबारदेखि अवरुद्ध सडक आइतबार राति ९ देखि विहान ५ बजेसम्म सवारी साधन सञ्चालनमा रोक लगाइएको हो । पहिरो जानेक्रम नरोकिएकाले सम्भावित जोखिम कम गर्न रातिको समयमा यातायात सञ्चालनमा रोक लगाइएको जिल्ला प्रहरी कार्यालय चितवनका प्रवक्ता रवीन्द्र खनालले जानकारी दिनुभयो ।