छाउपडीविरुद्ध ‘शून्य सहनशीलता’ अभियान

अछाम — १२ भदौ राति महिनावारी बार्न त्रिपाल टाँगेर बसेका अछामको पञ्चदेवल विनायक नगरपालिका–८ बारलाकी ३८ वर्षीया निम खनाल र ७ वर्षीया कविता भण्डारीको ढुंगा लागेर मृत्यु भयो । ३६ वर्षीया रत्नकला भण्डारी गम्भीर घाइते भइन् । अहिले पनि उनी उपचाररत छिन् ।

अछाममा बर्सेनि छाउ बार्न बसेको ठाउँमा मृत्यु, बलात्कारका घटना हुने सिलसिला जारी छ । जिल्लास्थित सरोकारवालाले घटनाको समयमा छाउप्रथा हटाउन अभियान सञ्चालन गर्ने तर नियमित नहुने शृंखला पनि चलिरहेको छ । बारलामा छाउ बार्न बसेका महिला र बालिकाको मृत्यु भएपछि आइतबार अछामका सरोकारवालाले फेरि अभियान चलाउने निर्णय गरेका छन् ।