अख्तियारमा ३७ हजार बढी उजुरी, सुशासनमा कठोर कदम चाल्न राष्ट्रपतिको निर्देशन

काठमाडौँ। अख्तियार दुरुपयोग अनुसन्धान आयोगले आर्थिक वर्ष २०८१/८२ को पैँतीस औँ वार्षिक प्रतिवेदन राष्ट्रपति रामचन्द्र पौडेलसमक्ष पेस गरेको छ।

आइतबार शीतल निवासमा आयोजित समारोहमा प्रमुख आयुक्त प्रेम कुमार राईबाट प्रतिवेदन ग्रहण गर्दै राष्ट्रपति रामचन्द्र पौडेलले भ्रष्टाचार नियन्त्रणलाई लोकतन्त्रको मेरुदण्ड सुशासनसँग जोड्दै अख्तियारलाई कुनै दबाब वा प्रभावबिनै निडर र प्रभावकारी ढङ्गले काम गर्न निर्देशन दिए।