अख्तियारले दायर गरेको भ्रष्ट्राचार मुद्दामा ५२.६७ प्रतिशत सफलता

काठमाडौँ । अख्तियार दुरुपयोग अनुसन्धान आयोगले विशेष अदालतमा दायर गरेको मुद्दा मध्ये ५२.६७ प्रतिशत मुद्दामा कसुर कायम भएको दाबी गरेको छ । आयोगमा आर्थिक वर्ष २०८१/०८२ को वार्षिक प्रतिवेदन अनुसार ३९३ वटा मुद्दाको फैसला प्राप्त भएको छ। फैसला प्राप्त भएका मुद्दाहरूमध्ये ८७ वटा मुद्दामा पूर्ण र १२० वटा मुद्दामा आंशिक गरी २०७ वटा अर्थात् ५२.६७% मुद्दामा कसुर कायम भएको जनाएको छ ।

आयोगले गर्ने स्टिङ अपरेसनका सम्बन्धमा सम्मानित सर्वोच्च अदालतबाट अख्तियार दुरुपयोग अनुसन्धान आयोग नियमावली, २०५९ को नियम ३० अमान्य र बदर हुने भनी मिति २०७८/०१/०८ मा फैसला भएको कारण उक्त मितिपछि घुस (रिसवत) सम्बन्धी भ्रष्टाचार मुद्दाको सफलता दर घटेको कारण समग्र सफलता दरसमेत प्रभावित हुन गएको जनाएको छ ।