फ्रेन्च भाषामा ‘त्यो नेपाल’ सार्वजनिक, नेपाल–फ्रान्स सम्बन्धको सेतु बनेको पुस्तक

लेखक ददि सापकोटा द्वारा लिखित ‘त्यो नेपाल’ पुस्तकको फ्रेन्च संस्करण सार्वजनिक गरिएको छ। नेपाल र फ्रान्सबीचको सांस्कृतिक, सामाजिक तथा ऐतिहासिक सम्बन्धलाई उजागर गर्ने उक्त पुस्तकको विमोचन कार्यक्रममा फ्रेन्च भाषा तथा संस्कृतिको प्रवर्द्धनमा सक्रिय अलायन्स फ्राँसेज द काठमाण्डौका निर्देशक सिल्भाँ श्वाँ (Sylvain Choin) सहभागी थिए।

कार्यक्रममा बोल्दै सिल्भाँ श्वाँले नेपाल र फ्रान्सबीचको लामो सांस्कृतिक सम्बन्धलाई अझ नजिकबाट बुझ्न पुस्तकले महत्वपूर्ण भूमिका खेल्ने विश्वास व्यक्त गरे। उनले यस्ता कृतिहरूले दुई देशका नागरिकबीच आपसी समझदारी र सांस्कृतिक आदानप्रदानलाई थप सुदृढ बनाउने बताए।