नेपालमै १० लाखसम्म तलब दिने गरी आईटी कम्पनीले खुलायो सीटीओको जागिर

काठमाडौं । नेपालको सूचना प्रविधि (आईटी) क्षेत्रमा रोजगारीको आकर्षक अवसर सिर्जना भइरहेको समयमा एउटा प्रविधि कम्पनीले निकै लोभलाग्दो तलबसहितको विज्ञापन खुलाएको छ । अमेरिकी बजारमा स्थापित र नेपालमा आफ्नो बलियो उपस्थिति बनाउँदै गरेको सफ्टवेयर कम्पनी समएक्स एआई (SumX AI) ले काठमाडौं कार्यालयका लागि प्रमुख प्रविधि अधिकृत (सीटीओ) माग गरेको हो । जसको मासिक तलब ५ देखि १० लाख रुपैयाँसम्म प्रस्ताव गरिएको छ ।

नेपालमा सामान्यतया यति उच्च तलब स्केल विरलै सुन्न पाइन्छ । अनुभवी र दक्ष जनशक्तिलाई नेपालमै रोकेर उच्च तहको प्राविधिक नेतृत्व प्रदान गर्ने उद्देश्यले कम्पनीले यो आकर्षक अवसर ल्याएको हो । मासिक आकर्षक तलबका साथै यस पदमा छनोट हुने उम्मेदवारले कम्पनीको नियमानुसार स्टक अप्सन (शेयर स्वामित्वको अवसर) समेत पाउने भ्याकेन्सी नोटिसमा उल्लेख छ ।