सिराहामा विद्यार्थीको मोबाइल नष्ट गरिएको घटना कानुनी कि गैरकानुनी ?

काठमाडौँ । जिल्ला प्रशासन कार्यालय सिराहाले एसईई र कक्षा ११–१२ को परीक्षामा सहभागी भएका विद्यार्थीको जफत गरिएको मोबाइल पानीमा हालेर नष्ट गरेको विषय चर्चामा छ । परीक्षामा सहभागी विद्यार्थीको जफत गरेको मोबाइल नष्ट गर्न हुन्छ कि हुँदैन भन्नेमा प्रश्न उठिरहेको छ ।

यसअघि त्यसरी जफत गरेको मोबाइल फोन परीक्षा सकिएपछि सम्बन्धित विद्यार्थीलाई फिर्ता दिने गरिन्थ्यो । विगतमा परीक्षा पूरा भएपछि परीक्षार्थीलाई सचेत गराएर मोबाइल उपलब्ध गराउँदै आएकोमा गत वर्ष चैतमा सम्पन्न एसईई र वैशाखमा भएको कक्षा १२ को परीक्षामा विद्यार्थीबाट जफत भएका मोबाइल नष्ट गरिएपछि प्रश्न उठेको हो ।