शान्तिनगरका सुकुम्बासी भन्छन् : ‘बस्ने व्यवस्था गर, नत्र भत्किएकै ठाउँमा त्रिपाल टाँगेर बस्छौँ’

कोहलपुर नगरपालिका–११ शान्तिनगरका अव्यवस्थित तथा सुकुम्बासी परिवारहरूले दीर्घकालीन व्यवस्थापनको माग गर्दै आफूहरू बसेकै पुरानो स्थानमा फर्केर त्रिपाल टाँगेर बस्न बाध्य हुने चेतावनी दिएका छन्।

नगर विकास समितिको स्वामित्वमा रहेको जग्गा खाली गराउने क्रममा केही समयअघि शान्तिनगरस्थित सुकुम्बासी बस्ती हटाइएपछि प्रभावित परिवारहरू समस्यामा परेको भन्दै उनीहरूले राज्य र स्थानीय सरकारले तत्काल उचित व्यवस्थापन गर्नुपर्ने माग गरेका हुन्।