एसईई नतिजा निराशाजनक

काठमाडौं । राष्ट्रिय परीक्षा बोर्डले गत चैतमा सञ्चालित माध्यमिक शिक्षा परीक्षा (एसईई)को नतिजा सार्वजनिक गरेको छ । राष्ट्रिय परीक्षा बोर्डले सार्वजनिक गरेको नतिजानुसार ४७ दशमलव ८६ प्रतिशत विद्यार्थी मात्र ११ कक्षामा भर्ना हुन पाउने भएका छन् ।

बोर्डका अध्यक्ष महाश्रम शर्माका अनुसार परीक्षामा सहभागी ४ लाख ६४ हजार ७ सय ६५ विद्यार्थीमध्ये २ लाख २२ हजार ४ सय ७२ जना कक्षा ११ मा भर्ना हुन योग्य भएका छन् । नतिजानुसार २ लाख ४२ हजार ३ सय १३ जना विद्यार्थीको नतिजामा एनजी आएको छ । यो ५२ दशमलव १४ प्रतिशत हो ।