भिजिट भिसामा यूएई पुगेका राजु सेतो बाकसमा फर्किए

काठमाडौं । मृत्यु कहिल्यै सहज हुँदैन । परदेशको मृत्यु त झनै पीडादायी हुन्छ । तनहुँका राजु गुरुङ वैदेशिक रोजगारीका लागि मोटो रकम तिरेर भिजिट भिसामा यूएई पुगे । मुलुकमा रोजगारी नपाएर भौतारिरहेका राजु घरपरिवारलाई सुख सुविधामा राख्ने अठोटका साथ केही समयअघि यूएई पुगेका थिए । तर, उनको त्यो सपना पूरा भएन ।

उनी पैसा कमाएर घर परिवारलाई सुख दिनु त परको कुरा आफैं काठको सेतो बाकसमा फर्किए । भिजिट भिसामा यूएई पुगेका उनको डेंगुका कारण मृत्यु भएको हो । जाँदा ऋण काढेर जहाज चढेर गएका उनी फर्किन पनि त्यतिकै सकस भयो । उनको शव अलपत्र परेपछि नेपाल एसोसिएसन एनआरएनए एनसीसी यूएईले पहल ग-यो र शव बल्ल–बल्ल नेपाल आइपुग्यो ।