‘सभामुख अर्यालको मात्र होइन, सातै प्रदेशका पदाधिकारीसँगै हिँड्दा लावालस्कर देखियो’

सुदूरपश्चिम प्रदेश सभाका सभामुख भीमबहादुर भण्डारीले प्रतिनिधि सभाका सभामुखको सवारीलाई लिएर सामाजिक सञ्जालमा भ्रम फैलाइएको भन्दै आपत्ति जनाएका छन्।

कञ्चनपुरमा आयोजित पत्रकार सम्मेलनमा बोल्दै सभामुख भण्डारीले सवारीका क्रममा देखिएको गाडीहरूको संख्या कुनै एक व्यक्तिको नभई राज्यका दुई दर्जनभन्दा बढी उच्चपदस्थ अधिकारीहरूको संयुक्त लस्कर भएको बताएका हुन्।