कैलालीमा युरिया मलका लागि कतै जाग्राम त कतै चिठ्ठा 

धनगढी — सुदूरपश्चिममा यतिबेला युरिया मलको चरम अभाव भएपछि किसानहरू हैरान छन्। कैलालीको भजनी, कैलारी लगायतका क्षेत्रका किसानहरूले कतै रातभर जाग्राम बसेर पनि र कतै चिठ्ठा प्रक्रियाद्वारा पनि युरिया मल पाउन सकेका छैनन्।

भजनी नगरपालिकाका-९ सोनाफाँटाका राजाराम चौधरी परिवारका चार जना सदस्यहरू सोमबार भजनी-१ भजनीमा रहेको साना किसान सहकारीमा युरिया मलका लागि गए। तर उनीहरूले रातभर लाइनमा बसेर मंगलबारसम्म पनि मल पाउन सकेनन्।