इजरायली सेनाको गोली लागेर सातमहिने शिशुको मृत्यु, आमाबुबा घाइते

हेब्रोन। इजरायलको सैन्य नियन्त्रणमा रहेको प्यालेस्टिनी भूभाग पश्चिमी किनाराको हेब्रोन क्षेत्रनजिक इजरायली सेनाले एक सवारीसाधनमाथि गोली चलाउँदा सात महिनाका एक प्यालेस्टिनी शिशुको मृत्यु भएको छ। उनका आमाबुबा भने घाइते भएका छन्।

घटनाबारे प्यालेस्टिनी स्वास्थ्य मन्त्रालयले जानकारी दिएको हो। मन्त्रालयका अनुसार शिशुको अनुहारमा गोली लागेका कारण घटनास्थलमै मृत्यु भएको थियो। घाइते भएका उनका मातापिताको उपचार भइरहेको छ। आमाको अवस्था सिकिस्त छ।