नेकपाको केन्द्रीय कार्यसमिति ६०१ सदस्यीय बन्ने

नवगठित नेपाली कम्युनिस्ट पार्टी (नेकपा)ले केन्द्रीय कार्य समितिको टुंगो लगाएपछि मात्र सबै तहका समितिमा समायोजन प्रक्रिया अगाडि बढाउने भएको छ । नेकपा माओवादी केन्द्र, नेकपा एकीकृत समाजवादी लगायत १२ वाम दल मिलेर नेकपा बनाइएको हो ।

कात्तिक १९ गते एकता घोषणामा पुष्पकमल दाहाल प्रचण्ड केन्द्रीय संयोजक र माधवकुमार नेपाल सहसंयोजक चयन भएका थिए । निर्वाचन आयोगले शुक्रबार नेकपालाई दल दर्ताको प्रमाणपत्र दिइसकेको छ । कात्तिक २३ गते आयोग पुगेर नेताहरूले दल दर्ता प्रक्रियाका लागि पार्टीको विधान, घोषणापत्र र केन्द्रीय समितिको सूची पेस गरेका थिए ।