भूकम्पपीडितका छाना उदांगाको उदांगै

काठमाडौं । जाजरकोटमा भूकम्प गएको एक महिना बित्न लाग्दा पनि पीडित राहतको पर्खाइमा अझै पनि प्रताडित बनेका छन् । पीडितलाई मलमपट्टी लगाउने भनेर जाजरकोट पुगेका राजनीतिक दलका नेताहरू उतै फोटो सेसनमा व्यस्त छन् । टहरा निर्माणमाको संख्या गन्दै सामाजिक सञ्जालमा फोटो कैद गरिरहँदा नजिकै राहत नपाएका पीडितको अवस्था दयनीय बन्दै गएको छ ।

जाजरकोटको रामीडाँडा केन्द्र भएर गतकात्तिक १७ गते राति गएको ६ दशमलव ४ रेक्टर स्केलको भूकम्पबाट घरमा क्षति भएपछि सबैभन्दा बढी सुत्केरी, ज्येष्ठ नागरिक तथा बालबालिका समस्यामा परेका छन् । भूकम्पपछि जाजरकोटमा चिसोका कारण मृत्यु हुनेको संख्या मंगलबारसम्म १५ जना पुगेका छन् ।