अब राष्ट्र संघको मिसनमा जान सशस्त्र प्रहरीले १५ वर्ष सेवा अवधि पुर्‍याउनु पर्ने

राष्ट्र संघीय शान्ति मिसन फर्म्ड पुलिस युनिट (एफपियू) मा जान सशस्त्र प्रहरीहरूले कम्तीमा १५ वर्ष सेवा अवधि पुर्‍याउनु पर्ने भएको छ। सशस्त्र प्रहरी बलले शान्ति मिसनमा जान आफ्ना कर्मचारीहरूले अनिवार्य रूपमा कम्तीमा १५ वर्ष सेवा दिएको हुनुपर्ने मापदण्ड बनाएको सहायक प्रवक्ता डिएसपी शैलेन्द्र थापाले जानकारी दिए।

उनका अनुसार मिसनमा जाने कर्मचारीहरूको छनौट प्रक्रिया निष्पक्ष र पारदर्शी बनाउन युएन एफपियू मिसन छनौट निर्देशिका- २०७९ संशोधन गरिएको हो। यसले लामो समयसम्म सेवा पूरा गरी मिसनमा जान अवसर नपाएका कर्मचारीहरू बढी लाभान्वित हुने उनले बताए।