इन्ड्राइभको ‘ड्राइभिङ नारी नेपाल’ कार्यक्रमको पहिलो चरण सम्पन्न, १० महिलालाई प्रमाणपत्र

विश्वव्यापी मोबिलिटी तथा डेलिभरी प्लेटफर्म इन्ड्राइभले महिलालाई ड्राइभिङ पेसामा समान अवसर उपलब्ध गराउने उद्देश्यले सञ्चालन गरेको ‘इन्ड्राइभ ड्राइभिङ नारी नेपाल’ कार्यक्रमको पहिलो चरण सम्पन्न गरेको छ ।

काठमाडौंमा आयोजित प्रमाणपत्र वितरण समारोहमा तीन महिनाको प्रशिक्षण पूरा गरेका १० जना महिलालाई प्रमाणपत्रसहित सम्मान गरिएको हो । सहभागीहरूलाई सुरक्षित र आत्मनिर्भर रूपमा दुईपाङ्ग्रे सवारी सञ्चालन गर्न आवश्यक सीप, आत्मविश्वास तथा व्यावसायिक तयारीका लागि विभिन्न चरणमा प्रशिक्षण दिइएको कम्पनीले जनाएको छ ।