सीसीटिभीमा भाग्दै गरेको दृश्य पछ्याउँदा समातिए आरोपित

काठमाडौँ । काठमाडौँको गैह्रीगाउँस्थित दिव्या स:मिलमा ४ जनाको हत्यामा संलग्न आरोपितलाई प्रहरीले क्लोज सर्किट टेलिभिजन (सीसीटिभी) क्यामेराको सहयोगमा पक्राउ गरेको छ । सःमिलमा नविन राई, कुमार भुजेल, शुभद्रा भुजेल र अम्बिका भुजेलको हत्यापछि हत्यामा संलग्न आरोपित झोलामा खुकुरी हालेर निस्केका थिए ।

काठ मिल पछाडिबाट पर्खाल नाघेर निस्केपछि उनी मुल सडकको किनारा हुँदै कोटेश्वरतर्फ भागेका थिए । झोला बेकेर दौडिरहेको युवकलाई पछ्याएर आरोपित सञ्जय भण्डारीलाई पक्राउ गरिएको अनुसन्धानमा संलग्न एकजना अधिकृतले रातोपाटीलाई बताए ।