युक्रेनमा युद्धविराम हाल सम्भव छैन: ट्रम्प

काठमाडौँ। अमेरिकी राष्ट्रपति डोनाल्ड ट्रम्पले युक्रेनमा तुरुन्त युद्धविराम चाहेको बताएका छन्, तर हालको अवस्थामा त्यो सम्भव नभएको बताए।

ह्वाइट हाउसमा सोमबार युरोपेली नेताहरूसँगको भेटमा ट्रम्पले तीन पक्षीय बैठकको पहल गर्न चाहेको उल्लेख गरे। उनले युक्रेनी राष्ट्रपति जेलेन्स्की र रुसी राष्ट्रपति भ्लादिमिर पुटिनसँग वार्ता गरेर समाधान खोज्ने प्रयास हुने बताए।