फिल्म ‘चपली हाइट ३’ पुस २ गते रिलिज हुने

नेपाली सिनेमा हलमा बलिउड फिल्म ‘सूर्यवंशी’ले दर्शकको चहलपहल बढाइरहेको छ। यसैबीच नेपाली फिल्म ‘चपली हाइट ३’ले प्रदर्शन मिति तय गरेको छ। आउँदो पुस २ गते अर्थात १७ डिसेम्बरमा फिल्म रिलिज हुने भएको छ।

२०७६ चैत २८ गते यो फिल्म रिलिज हुने भनिएको थियो। तर, कोरोना महामारीबीच लकडाउन भएसँगै फिल्म रिलिज हुन सकेन। फिल्म क्षेत्रलाई चलायमान बनाउन फिल्म रिलिज गर्ने निर्णय गरेको यस फिल्मका निर्माता अर्जुन कुमारले बताए।