ट्याक्टर दुर्घटनामा बालिकाको मृत्यु

सीमावर्ती क्षेत्रस्थित सर्लाहीको बलरा नगरपालिका –६, मिर्जापुरमा बिहीबार दिउँसो ट्याक्टरको ठक्करबाट एक बालिकाको मृत्यु भएको छ ।

गडहीयाबाट मिर्जापुरतर्फ जाँदै गरेको ना ४ त ८८३४ नम्बरको ट्याक्टरले ठक्कर दिँदा स्थानीय अर्जुन साहकी छोरी पाँच वर्षीया अङ्किता साहको मृत्यु भएको हो । आधारभूत विद्यालय मिर्जापुरमा अध्ययन बालिकाको विद्यालयबाट घर फर्कदै गरेको बेला सिमेन्ट र छड बोकेको ट्याक्टरले ठक्कर दिँदा घटनास्थलमै मृत्यु भएको प्रत्यक्षदर्शीले बताएका छन् ।