मनाङको हिमपहिरोमा मृतकको संख्या चार पुग्यो, १२ जना अझै सम्पर्कविहीन

मनाङ । नार्फाभूमि गाउँपालिका–५ स्थित हिमलुङ क्षेत्रमा गएको हिमपहिरोमा परी मृत्यु हुनेको संख्या चार पुगेको छ। खोजीका क्रममा सोमबार थप दुई जनाको शव फेला परेपछि मृतक संख्या चार पुगेको हो।

नेपाल राष्ट्रिय पर्वतीय गाइड संघका अनुसार हिमलुङ बेसक्याम्पमा आइतबार बिहान हिमपहिरो खसेपछि हराइरहेका व्यक्तिको खोजी गर्ने क्रममा वीरेन्द्र गुरुङ र घनश्याम राईको शव भेटिएको हो।