सुनसरी घटनापछि मध्यरातमा प्रधानमन्त्री शाह : उत्तेजित हुने वा गराउने कुनै पनि काममा सरिक नभइदिनुहोला

प्रधानमन्त्री बालेन्द्र शाहले सुनसरीमा भएको घटनाप्रति दुःख व्यक्त गर्दै संयमित हुन सबैलाई आग्रह गरेका छन्। मंगलबार मध्यरातमा सामाजिक सञ्जाल फेसबुकमार्फत उनले सुनसरीको घटनाले मानवता र सामाजिक सद्भावमा आघात पुगेको बताए।

प्रधानमन्त्री शाहले पीडित परिवारलाई न्याय र क्षतिपूर्ति दिलाउने प्रतिबद्धता जनाए। उनले भने, ‘सरकारले सक्दो चाँडो न्याय र क्षतिपूर्ति उपलब्ध गराउनेछ। फेरि त्यस्तो नहोस् भन्नका लागि यसका कसुरदारहरूलाई कानुनबमोजिम कारबाही गरिने विश्वास दिलाउन चाहन्छु।’