स्थानीयको माग सम्बोधन गर

सरकारसँग भएको सम्झौता कार्यान्वयन नभएको भन्दै बन्चरेडाँडा ल्यान्डफिल साइटका स्थानीयले असोज १ गतेबाट फोहोर विसर्जन गर्न रोक लगाउने निर्णय गरेका छन् । मुख्य कारण ल्यान्डफिल साइट क्षेत्र मावनरहित बनाउनुपर्नेछ । त्यसको लागि सरकारसँग करिब ३ हजार रोपनी जग्गा अधिग्रहण गर्न माग गरेका छन् । हुन त स्थानीय जनताको यो माग पुरानो होइन । विगत दुई दशकदेखिको लगातार यही विषय उठान गरिरहेका छन् ।

फोहोरमैला विसर्जन गर्दा पटक–पटक समस्या आएपछि सरकारले स्थानीयसँग धेरैपटक वार्ता ग¥यो । सम्झौतापत्रमा हस्ताक्षर भयो । तर मुख्य काम हुन सकेन । विश्वका अधिकांश मुलुकमा फोहोर र मान्छे एकै स्थानमा राखेको पाइँदैन । बन्चरेडाँडावासीले पनि विश्वका केही मुलुकको फोहोर व्यवस्थापनको मोडालिटी देखेर÷हेरेर यही माग राखेका हुन् । हरेकपल्ट वार्ता हुन्छ तर सरकारले कहिल्यै पनि स्थानीयको कुरा सुनेको पाइँदैन । भनौं कानमा तेल हालेर बसेको छ । आन्दोलन भएपछि सरकारले प्रहरी परिचालन गर्छ अनि फोहोर खसाली फर्कन्छ । सधैँ प्रहरी परिचालन गरेर फोहोर विसर्जन गर्नु समस्याको समाधान होइन । लगातारको द्वन्द्वबाट कहिल्यै पनि समाधान निस्कँदैन । माग राख्नेसँग वार्ता गरेर मात्र समाधान खोज्न सकिन्छ ।