काठमाडौं उपत्यकामा मंसिर १ गतेदेखि पशु वधशाला तथा मासु जाँच ऐन लागू गरिने

कृषि, वन तथा पर्यावरणमन्त्री गीता चौधरीले उपभोक्तालाई स्वस्थ र सुरक्षित मासु उपलब्ध गराउने उद्देश्यले पशु वधशाला तथा मासु जाँच ऐन, २०५५ लाई मंसिर १ गतेदेखि काठमाडौं उपत्यकामा प्रभावकारी रूपमा कार्यान्वयनमा ल्याइने बताएकी छन्।

मन्त्रालयले सोमबार आयोजना गरेको ऐन कार्यान्वयनको अवस्था तथा आगामी कार्ययोजनासम्बन्धी छलफलमा स्थानीय जनप्रतिनिधिसँग कुरा गर्दै मन्त्री चौधरीले लामो समयदेखि कानुन बने पनि प्रभावकारी कार्यान्वयन हुन नसक्दा उपभोक्ताले अस्वस्थकर मासु उपभोग गर्नुपर्ने अवस्था रहेको बताइन्।