नेटवर्किङ व्यवसायका नाममा हुने ठगीबाट सचेत रहन सीआईबीको आग्रह

काठमाण्डु – नेपाल प्रहरीको केन्द्रीय अनुसन्धान ब्युरो (सीआईबी) ले नेटवर्किङ व्यवसायका नाममा हुन सक्ने विभिन्न प्रकारका ठगीबाट सचेत रहन सर्वसाधारणलाई आग्रह गरेको छ ।

सीआईबीले जनचेतनामूलक सन्देश जारी गर्दै पछिल्लो समयमा विभिन्न सामाजिक सञ्जाल तथा अन्य विद्युतीय माध्यमबाट पिरामिडमा आधारित नेटवर्किङ व्यवसायमा सदस्य बन्न प्रस्ताव तथा विज्ञापन आउने गरेको जनाएको छ । यस्ता प्रस्तावमा प्रलोभनमा नपरी कुनै पनि रकम लगानी गर्नुअघि आवश्यक प्रमाण र कागजात जाँच गर्न सीआईबीले आग्रह गरेको छ ।