संघीयता कार्यान्वयनका साझा समस्या छलफल गर्न कोशीमा मुख्यमन्त्री सम्मेलन

विराटनगर । कोशी प्रदेश सरकारले संघीयता कार्यान्वयनका क्रममा प्रदेशहरूले भोग्दै आएका साझा समस्या र समाधानका उपायबारे छलफल गर्न अन्तरप्रदेश मुख्यमन्त्री सम्मेलन आयोजना गर्ने भएको छ ।

सोमबार बसेको प्रदेश मन्त्रिपरिषद्को २०औँ बैठकले आगामी असोज २२ र २३ गते विराटनगरमा सातै प्रदेशका मुख्यमन्त्री सहभागी हुने गरी सम्मेलन आयोजना गर्ने निर्णय गरेको हो ।