न्यानीलाई ५ महिनाको बच्चा छाडेर मातापिता फरार भएपछि...

बेइजिङ । चीनमा एक न्यानी महिनौँदेखि अरूको नाबालक शिशुको हेरचाह गर्न बाध्य भएकी छिन् । रोचक कुरा त के छ भने शिशुको अभिभावकले न्यानीसँग ऋण लिएर गएका थिए । तर महिनौँ बितिसक्दा पनि उनीहरू बेपत्ता छन् । न्यानीले आफ्नो तलब त पाएकी छैनन् नै उल्टै शिशुलाई पनि हेर्नु परिरहेको छ ।

एक महिना अघि यो घटना चीनको सञ्चार माध्यमहरूमा हेडलाइन बनेको थियो । यू नाम गरेकी ती युवतीलाई हेइलोङचियाङ प्रान्तको हार्बिनमा बस्ने एक जोडीले भर्खरै जन्मिएको छोराको हेरचाहका लागि भनेर मासिक ७ हजार युआनमा नियुक्त गरेका थिए । छोरा हेरिदिन थालेको केही दिन पछि नै दम्पतीले पैतृक सम्पत्ति लिल तियान्चिन जानु पर्ने भयो भन्दै युसँग वकिल र कागजी कामकाजका लागि भनेर ऋण मागे । उनीहरुले आफूले पाउन लागेको सम्पत्तिको फोटो पनि देखाए ।