मुख्य प्रशिक्षकका लागि बीसीसीआईद्वारा गम्भीरसँग सम्पर्क

कोलकाता। भारतीय क्रिकेट कन्ट्रोल बोर्ड (बीसीसीआई)ले पूर्व भारतीय ब्याट्सम्यान गौतम गम्भीरलाई भारतीय टोलीको मुख्य प्रशिक्षक बन्न सम्पर्क गरेको छ । ईएसपीएन क्रिकइन्फोका अनुसार बीसीसीआईले गम्भीरलाई टोलीको मुख्य प्रशिक्षक बन्न चाहेको हो कि होइन भनेर सोधेको हो।

इन्डियन प्रिमियर लिग (आईपीएल) को समाप्तिपछि यसबारे थप छलफल हुने अपेक्षा गरिएको छ। गम्भीर यस सिजन कोलकाता नाइट राइडर्सका मेन्टर हुन् । उसको टोली अङ्क तालिकाको शीर्ष स्थानमा छ र प्लेअफमा छनोट भएको छ।