स्वास्थ्यकर्मी अभावमा अस्पताल आफैं बिरामी

ओखलढुंगा । जिल्ला अस्पताल ओखलढुंगामा कोशी प्रदेश सरकारले स्वीकृत दरबन्दीअनुसारको कर्मचारी नखटाउँदा अस्पताले सर्वसाधारणका लागि प्रवाह गर्दै आएको सेवामा प्रभाव परेको छ । अस्पतालमा प्रदेश सरकारले दरबन्दीका कर्मचारी नखटाएकाले जिल्लाको एक मात्रै सरकारी अस्पताल सञ्चालनमा कठिनाइ आएको छ । एक जना मेडिकल सुपरटेन्डसहित ३० जनाको दरबन्दी रहेको अस्पतालमा ११ जना कार्यालय सहयोगीको दरबन्दी रहेको छ ।

अस्पतालमा १ जना मेडिकल सुपरटेन्ड, ४ जना स्टाफ नर्स, ल्याब टेक्निसियन १ जना, रेडियोग्राफर १ जना, मेडिकल रेकर्डर १ जना, प्रशासन सुब्बा १ जना, खरिदार १ जना, अहेब २ जना, अनमी २ जना, मेडिकल अधिकृत २ जना, एचए १ जना, डार्करुम असिस्टेन्ट २ जना र ११ जना कार्यलय सहयोगीको रहेको छ ।