ट्रम्पको डन शैलीले अमेरिकालाई नै बनाउनेछ कमजोर र गरिब

सन् १९४५ पछि बनेको विश्व व्यवस्था भत्किने क्रम तीव्र हुँदै छ। राष्ट्र संघमा यसैसाता असाधारण दृश्य देखियो। अमेरिका युक्रेन र युरोपको विरुद्ध रुस र उत्तर कोरियाको पक्षमा उभियो। जर्मनीमा चुनाव जितेर चान्सलर बन्न लागेका फ्रेडरिक मर्जले जुन महिनासम्ममा नेटो नरहने चेतावनी दिएका छन्। तीव्र गतिमा एउटा यस्तो विश्व निर्माण हुँदै छ, जहाँ जसको शक्ति, उसको भक्ति चल्छ। शक्तिशाली मुलुकहरूबीच सम्झौता हुन्छ र साना मुलुकहरूलाई पेलिन्छ।

सम्झौतामार्फत शान्ति ल्याउने ट्रम्प–टिमको दाबी छ। ८० वर्ष सित्तैँमा भारी बोकेपछि अब अमेरिकाले आफ्नो महाशक्तिको हैसियतको लाभ उठाउने उनीहरूको भनाइ छ। तर, यसले संसारलाई अझ खतरनाक बनाउने छ भने अमेरिकालाई झन् कमजोर र गरिब।